శిక్ష (న)

 

ఈరోజు నా మనస్సు ను చాలా బాధ పెట్టిన విషయం లో ఒక మంచి పాఠం మీకోసం….

 

నా కుమారుని క్రమశిక్షణ లో బాగంగా తాను ప్రతి రోజు చెయ్యవలసిన కొన్ని పనులు చెయ్యడం మానేసి సమయాన్ని సద్వినియోగం చేసుకోవడం లేదని తనకు అందులో ఉన్న తీవ్రత ను తెలపడం కోసం మోకాళ్ళు వెయ్యమని శిక్ష వేసాను. కొంచెం సేపు బాగానే వేసి ఉన్నాడు కానీ నా మనస్సు లో చాలా బాధగా ఉంది. అయ్యో కొడుకు ఇబ్బంది పడుతున్నాడని మనస్సు నొచ్చుకుంది. కానీ కటినంగా ఉండక పోతే కొన్ని విషయాలు పిల్లలకు నేర్పలేము. ఇంతలో నా కూతురు, బార్య, చెల్లి వచ్చి తనను వదిలేమని చెప్పారు. వాళ్లకు వాడిని నన్ను అడిగితే, మరల తప్పు చెయ్యను అని చెపితే వదిలేస్తాను అని చెప్పాను. వీళ్ళు వెళ్లి చెప్పారు. వాళ్ళు బాధపడుతున్నారు. నేను బాధ పడుతున్నాను. నా కొడుకు బాధ పడుతున్నాడు. వాడు అడుగుతాడు అని నా కొడుకు చుట్టూనే తిరుగుతున్నాను. కానీ వాడికి నన్ను అడగటానికి భయం, ఎలా అడగాలి అనె భయం. అడిగితే వదులుధమని నా ఆశ. ఈలోపు ఎప్పుడు కొట్టుకునే తన అక్క వాడి కోసం ఏడుస్తుంది. వాడికి అర్థం అయ్యింది, అక్కకు తను ఎంత ఇష్టమో, వాడికి బదులు తను మోకాళ్ళు వెయ్యడానికి సిద్ధం అయ్యింది. కొంచెం సేపటికి తను మెల్లగా డాడీ నీ మాట వింటాను అని చెప్పగానే నా కళ్ళల్లో నీళ్ళు, తనను కౌగలించుకున్నాను. అందరి కళ్ళల్లో నీళ్ళు తిరిగాయి. వాడికి ఇష్టమయిన వస్తువు వెంటనే అమెజాన్ లో ఆర్డర్ పెట్టాను.

మన దేవుడు ఇంతకన్నా ప్రేమమయుడు, ఆయన మనలను శిక్షించి, మన పశ్చాతాపం తో చేసే ప్రార్ధన కోసం ఎదురు చూస్తుంటాడు. ( కీర్త 103:13 ) మనలను పాడు చెయ్యాలని కాదు గానీ మనలను బాగు చెయ్యాలని తన ఆశీర్వాదమునకు వారసులను చెయ్యాలని తన తపన. అందుకే ఒక పాపి తన పాపంలో మరనించుట తనకు ఇష్టం లేదు అని, ఒక పాపి రక్షింప బడితే పరలోకం లో దేవతలు ఆనందిస్తారని, ప్రభువు శిక్షించు నరుడు ధన్యుడు అని వాక్యం చెపుతుంది.  ( యెహే 18:30-32, లూకా 15:10, యోబు 5:17,18 )

 

క్రమ శిక్షణ

 

దేవుడు నాకు ఇద్దరు బిడ్డలను ఇచ్చారు. వారు దేవునిలో ఎదుగుతూ ఉన్నారు. అయితే వాళ్ళు అప్పుడప్పుడు నేను వాడే కంప్యుటర్ వాడుతుంటారు. నేను నా లాప్టాప్ కి బ్లుటూత్ కీ బోర్డ్, మౌస్ వాడుతున్నాను. రెండు సంవత్సరాల క్రితం వాళ్లకు ఒక మాట చెప్పాను. ఏంటంటే ఎప్పుడైనా మీరు కంప్యుటర్ వాడటం అయిపోయాక  కీ బోర్డ్ మౌస్ స్విచ్ లు ఆఫ్ చెయ్యండి అని చెప్పాను. నేను అయిన అప్పుడప్పుడు మరచి పోతాను. నేను కంప్యుటర్ ఆన్ చేసి మౌస్, కీ బోర్డ్ పని చెయ్యడం లేదు ఏంటి అనుకుంటాను. కాని అంతకు ముందు నా పిల్లలు వాడి అఫ్ చేసి ఉంటారు. వాళ్ళు కంప్యూటర్ వాడినప్పుడు నాకు తెలిసి పోతుంది. అదే వాక్యం కుడా చెపుతుంది. బాలుడు నడువవలసిన మార్గం వాడికి నేర్పు అని. మనం మరి ఏమి చేస్తున్నాము. దేవుడు నీకు ఒక బాధ్యత ఇచ్చారు అది ఒక మంచి పౌరిడిని, ఒక మంచి అన్నను, తమ్ముడిని, అక్కను, అమ్మను, చెల్లిని, స్నేహితురాలును, ఒక మంచి బర్తను, బార్యను తయారు చేయాల్సిన బాధ్యత. నీవు చిన్న నాటి నుండి వారిని ఎలా పెంచావో అలానే వారు పెద్ద వారు అయ్యాక ఉంటారు. వాళ్ళు ఎవరి మాట వినరు నీ మాట తప్ప. అలాంటిది నీవు ఏమి నేర్పిస్తున్నావు. రేపటికి, బవిష్యత్ కు ఆలోసించి వారిని సిద్ధం చెయ్యి.

 

సామెతలు 22:6; 23:13; 29:15; ఎపేసి 6:1 ; తప్పక చదవండి

 

ప్రభువు మిమ్మును మీ పిల్లలను దీవించును గాక.

 

మీ సహోదరుడు,

అపోస్తులు నాని బాబు నెల్లి 

విడాకులు తీసుకున్న 99 సం| ల దంపతులు ?

నమ్మకత్వం 

ఈరోజుల్లో మానవుని లో బాగా కరువైపోతుంది నమ్మకత్వం. అదువల్లె ఏ చిన్న విషయానికైనా  నోట్ లు, కాల్ రికార్డింగ్ లు, వీడియో లు, ఇద్దరు ముగ్గురు సాక్షులు కావలసి వస్తుంది. ఇంకా ఆలోచిస్తే కుటుంబాలలో కూడా ఇది కరువైపోతుంది. ఒక విచిత్రమైన సంగటన మీకు చెపుతాను. మునిమనవల్లను ఎత్తుకుని కాలక్షేపంగా సమయాన్ని గడపాల్సిన 99, 96 సంవత్సరాల ఇటలి  వృద్ధ దంపతులు అంటోనియో సి., రోసా సి. కోర్టు మెట్లు ఎక్కారు. ఎందుకో తెలుసా? 1940 లో బార్య కలిగిన అక్రమసంబంధం గురుంచి తెలిసి పెళ్ళైన 77 సంవత్సారాల తరువాత విడాకులు తీసుకుని ప్రపంచం లోనే విడాకులుతీసుకున్న వృద్ధ దంపతులుగా నమోదయ్యారు. నమ్మకత్వం అనేది చాలవిలువైన లక్షణం, అది కొనలేము, పొందుకోవాలి, కాపాడుకోవాలి. ఒక్కసారి కోల్పోతే మరల దానిని పొందుకోవడం అసంభవం. నమ్మకాలు కోల్పోయిన బార్య భర్తల మధ్య ఉండేది ప్రేమ కాదు నటనా జీవితం. ప్రతి మాట, ప్రతి క్రియ ఒక నటనే.... ఒకసారి అలోసించండి, మీ జీవితాకాలం మీరిద్దరే కలసి బ్రతకాలి, ఒకే ఇంట్లో,ఒకే గదిలో, ఒకే బోజన గదిలో కలసి సచ్చేవరకు ఉండాలి, కలసి ప్రయాణాలు, కలసి నిర్ణయాలు తీసుకోవాలి, కుదురుతుందా ఇదంతా నటనతో?  నమ్మకత్వాన్ని కోల్పోయే ఏవిధమైన క్రియ అయిన దాయ బడదు ఒక రోజు నీముందు నిలబడుతుంది. లూకా 8:17 తేట పరచబడని రహస్యమేదియు లేదు; తెలియజేయబడకయు బయలు పడకయు నుండు మరుగైనదేదియు లేదు. అప్పుడు నీవు తల ఎత్తుకుని నిలబదగలవా? దానికి ప్రతిఫలం పొందే సమయం లో నీవు ఒర్వగలవా? అవమానము సహించగలవా? అందుకే వాక్యం చెపుతుంది. మరణము వరకు నమ్మకముగా ఉండుము. ప్రకటన 2:10.., నమ్మకమయిన వానికి దీవెనలు మెండుగా కలుగును. సామెతలు 28:20. అయన వెక్కిరింప బడడు. ఆయనే నీకు ప్రతిఫలము ఇస్తారు. నిజమైన ప్రేమను పొందుకుని ఆనదంగా మీరు మీ కుటుంభం ఉండును గాక!

షలోమ్

మీకోరకు ప్రార్ధించే           

అపోస్తులు నెల్లి  నాని బాబు